Jólabarnið

Höfundur

Kristín Helga Bergsveinsdóttir

Ef þið viljið koma í heimsókn þá er alltaf heitt á könnunni :D
Adress: 66 King's Cross Road
Númerið mitt er +44 740 255 3457

Eldri færslur

Júní 2025

S	M	Þ	M	F	F	L
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Fyrri

Næsti

Tenglar

Dægrastytting

Style
Susie Bubble
ELLE uk
Pressan
People Celebrity Gossip

Mínir tenglar

Bylgja, Erik og Birkir London fjölskyldan mín
Jón Birtingur JB
Hafdís Tinna Skíðakennarar í Hinterglemm í Austurríki
Hugrún H&M starfsmaður með meiru

Ég stórslasaði Birting um daginn, hann sat í fanginu á mér í stiganum og stakk sér fram, með þeim afleiðingum að út úr enninu á honum braust fram líka þetta rosalega horn. Ég þurfti áfallahjálp þegar ég sá drenginn breytast í einhyrning fyrir framan mig og hringdi í mömmu. Gerði mamma mér þá þann óleik að svara ekki símanum, loks þegar ég var alveg að missa meðvitund af stressi svaraði hún og fullvissaði mig um að það væri í fínu lagi með hann. Ég er ekki viss um að ég þurfi að passa hann aftur í framtíðinni.

Um helgina keyrðum við jólagleðina í gang. Ég, Birtingur, Birkir, Ylfa og Jói fórum út í Brunswick á föstudaginn og sáum þegar það var kveikt á jólaljósunum. Við fengum heitt kakó og súkkulaðibitaköku til að hita okkur upp því það var ótrúlega kalt. Síðan voru einhverjir söngvarar sem komu fram sem voru rosalega lélegir en við vorum greinilega ein um það því aðrir héldu ekki vatni yfir þeim. Kynnirinn sem sá um að stjórna þessu skemmtanahaldi var ekki að verri endanum, minnti einna helst á bróður Geira á Goldfingurm klæddur líka í þennan agalega smart skósíða hlébarða kápu. Þó að skemmtiatriðin hafi ekki verið upp á 10 var mikill jólaandi yfir þessu öllu saman.

Ég var búinn að ákveða að taka til í herberginu mínu á laugardaginn, það tókst líka svona rosalega vel að allur dagurinn fór í það. Ég get ekki sagt að það sé orðið hreint í herberginu en ég náði þó að búa til tossalista yfir það að taka til í herberginu mínu. Jólaandinn var orðinn þvílíkur hjá mér seinnipart laugardagsins að ég henti í tvær sortir af smákökum. Þórdís kom og gisti hjá mér af því að henni var boðið í aðventusunnudagsjólabrunchinn okkar á sunnudagsmorguninn.

Við fórum í diddi dance á fimmtudaginn og vöktum ekki mikla lukka meðal foreldranna. Strákarnir voru rosalega hressir og hlupu út um allt og fóru bakvið gluggatjöldin að fela sig. Í fyrstu var ég eitthvað að reyna að fá þá til að gera æfingarnar en ákvað síðan að þeir mættu alveg hlaupa eins og vitleysingar út um allt og leika sér. Eftir smá stund voru þeir búnir að lokka alla hina krakkana með sér í fíflalætin, hlaupandi út um allt. Þetta vakti ekki mikla gleði hjá foreldrum hinna barnanna þar sem þau voru ein eftir að gera æfingarnar. Ég beið bara eftir því að okkur yrði vísað á dyr.

Birkir syngur orðið með öllum lögum og ef þau eru útlensk og hann nær ekki alveg textanum þá allavega reynir hann að tóna með. Birtingur hefur þótt skemmtilegra að hlusta bara á þegar ég syng fyrir hann en núna er hann kominn með alveg glænýtt lag eftir sjálfan sig og raular það allan daginn. Það er tralllalllallallallalalalalallala og restin er í svipuðum gír.

Strákarnir fóru í bað áðan og það var ekkert smá gaman eins og er að sjá á þessu video.