Pönnsukaffi

Við á 66C King's Cross Road erum búin að vera mjög öflug í pönnukökunum upp á síðkastið. Þetta byrjaði allt daginn sem við héldum upp á afmælið hans Birkis. Síðan þá höfum við bókstaflega verið við eldavélina steikjandi pönnsur og þeytandi rjóma (aðallega Erik samt, við hin höfum aðallega verið í því að torga þeim).

Á föstudaginn síðastliðinn var ákaflega skemmtilegur dagur, ekki bara fyrir strákana heldur einnig mig og Erik. Við byrjuðum daginn á að fara í Soft play sem er mini boltaland (eins og í ikea) and boy it was fun, því ekki voru það bara börnin sem fengu að fara ofan í heldur var fullorðnum líka boðið að fara ofan í. Við létum ekki segja okkur það tvisvar og vorum snögg að henda okkur ofan í boltaflóðið.
Strákunum fannst þetta ekki síður skemmtilegt því þeir hlógu og hlógu eins og enginn væri morgundagurinn. Nú síðan þegar við börnin tókum hádegisblundinn okkar þá skellti Erik í pönnukökur og öllum vinum okkar í London var boðið í pönnsukaffi klukkan hálf fimm.

Eina slæma við daginn var þegar ég lá á stofugólfinu og Birkir sast á mig, beið aðeins, prumpaði og fór síðan.

Laugardagurinn mun vera eftirminnilegasti dagur lífs míns, því þetta var dagurinn sem ég var næstum því sprengd í loftu. Við fjölskyldan á 66C höfðum tekið þá ákvörðun í sameiningu að fara til Greenwitch til að upplifa þá merku stund að standa á sjálfum tíma ásnum. Ekki vissum við betur en að þessi ferð myndi verða life changing. Við vorum í rólegheitunum að skipta um lest á lestarstöðinni Bank, þegar það heyrist í kallkerfinu að allir ættu strax að yfirgefa stöðina eins fljótt og mögulegt væri.
Við vorum ekkert alltof mikið að kippa okkur upp við það, héldum bara áfram í áttina að næstu lest. Komu þá ekki tveir verðir á fleygi ferð og skipuðu öllum að fara upp í næstu lest, alveg sama hvert þeir væri að fara, það þyrfti að tæma stöðina ASAP. Okkur leist lítið á blikuna er við biðum eftir að komast í burtu frá stöðinni að alltaf var verið að opna lestina aftur til að sópa fleiru fólki inn í hana. Er við sátum og töldum mínúturnar sem við áttum eftir ólifað lagði lestin loks af stað. Síðan sigldum við í burtu rétt svo í tæka tíð því horfðum á eldtungurnar af sprengjunni sleikja afturrúðu lestarinnar.

Okei, þetta var kannski ekki alveg svona dramatískt en þetta er allt satt nema þetta með sprengjuna. Það sprakk ekkert og bretum fannst þetta ekki einu sinni fréttnæmt að stöðina hafi verið rýmd í hasti. Líklegast hefur einhver bara skilið eftir töskuna sína.

Greenwitch stóð fyrir sínu, við tókum myndir, fengum okkar geðveikan brunch og sátum í grasinu og drukkum í okkur ímynduðu sólina. Ferjan varð okkur fararkostur á leiðinni til baka og það var heldur ekkert leiðinlegt að fá að sigla eftir Thames ánni. Þórdís kom svo í mat til okkar og við spiluðum og horfðum á X-factor.

Í dag fór ég með Þórdísi á Oxford og verslaði aðeins. Gerði brjálað góð kaup í Primark, þar sem ég meðal annars fjárfesti í Onesie og fyrir þá sem ekki vita hvað það er, þá er það náttfata heilgalli með sokkum við föstum. Þórdís gerðu einnig jafn góð kaup og ég í Primark. Þessir heilgallar munu koma sér vel í umtalaðasta náttfatapartý sem sögur fara af. Við erum að tala um það að Lady Gaga verði skellt á fóninn og munch verði í boði. By the way, ef það er nú ekki þegar búið að bjóða ykkur getiði gleymt þessu.

P.S.  London er best!!!!

XOXO
LOVE TYRA

E.S. Tyra Banks er búin að grennast, svo við getum nú öll farið að horfa aftur á ANTM.

E.E.S. Já, Americas Next Top Model er enn í gangi.

Athugasemdir

[Bylgja (IP-tala skráð) 11.10.2010 kl. 12:12]

sonur minn, jebb jebb jebb!

rosalega fegin að heyra þessar fréttir af Tyru Banks!

[Heidi (IP-tala skráð) 11.10.2010 kl. 18:12]

Gott að heyra að það hefur ekki fækkað í Schweitz fjölskyldunni og allir heilir á húfu eftir þessa ferð. Primark er klárlega einhvað sem maður þarf að kíkja í næst þegar kíkt er á breska grundu, vonandi klárar þú ekki allt úr búðinni.

kveðja úr Vallarásnum.

[Þórdís.. (IP-tala skráð) 15.10.2010 kl. 12:40]

íííhíhí... djöfull hlakka jeg til náttfatapartísins... þetta verður legendary...

p.s váá hvað tyra er orðin mikil skvísa..!

[Dagný (IP-tala skráð) 18.10.2010 kl. 10:34]

Nenniru að blogga á hverjum degi? Þá hef ég alltaf eitthvað til að hlakka til og gera daginn betri!!! hehe

[Elva (IP-tala skráð) 20.10.2010 kl. 09:23]

Haha, gott að þú sért á lífi eftir þessa lestarferð. Hlakka til að lesa næsta blogg :D